اترك كل شيء لمدة دقيقتين واقرأ النص | استراحة محارب 🖤

          

قبل دخولك للملف هذه الروابط قد تهمك جداً

قناتنا عبر التيليجرام من هُنا

مجموعتنا التعليمية عبر الفيس بوك من هُنا

صفحتنا عبر الفيس بوك لمتابعة كل جديد من هُنا

حسابنا على الانستقرام من هُنا

مجموعتنا التعليمية عبر الواتساب من هُنا

لتحميل تطبيق منصة الشامل الإلكترونية من هُنا

لتحميل تطبيق (توجيهيات - Tawjihiat) لطلاب التوجيهي من هُنا

لتحميل تطبيق (طبيب الثانوية ) لطلاب التوجيهي من هُنا

طلاب الثانوية العامة، اترك كل شيء بإيدك لمدة دقيقتين واقرأ النص كاملاً، حتى لو كنت في وضع دراسي اتركها لدقيقتين فقط.

غداً هو أول امتحان لطلبة الثانوية العامة، ممكن تكون متوتر وخايف، ورغم كل هالشيء بيجي شخص بنزّل منشور " التربية تشدد إجراءات المراقبة" أو "التربية لن ترحم الطلاب"، أنا مع الطالب وكلكم عندكم علم إني مع الطالب، لكن وجب قول الحق، التربية دائماً في صف الطالب في فترة الامتحانات النهائية (الوزارية)، دائماً تكون مع الطالب طالما أن الطالب ملتزم.

القصة مش تشديد وإلخ هي كل سنة بتصير، مجرد إنك ممنوع تدخل تلفونك معك على قاعة الامتحان وكمان ممنوع تجيب الممنوعات وإلخ، يعني إجراءا روتينية بس أصحاب الصفحات والي ببحثوا عن البلبلة بحاولوا يهولوا الموضوع ويعملوا إنها إجراءات تشديد.

انسى كل هي الشغلات والأمور كلها الي بتصير حط ببالك إنك انت رايح تقدم امتحان وتكتب المعلومات يلي براسك وتروح، لا رايح تحارب ولا رايح تقاوم ولا عبالك، بالعكس رح تكتشف إنه المراقبين كثير مناح معك وكثير بساعدوك قدر الإمكان المهم ما تغش ولا تعمل الغلط قدر الإمكان.

ما تزرع ببالك فكمرة الخوف والتوتر لحتى ما تكبر، حط ببالك إنك بدك تنجح وتجيب معدل ممتاز، أنت ما تحكي أنا ما بقدر لأنك بتقدر، الي قطع مشوار كل هي السنة بيقدر يعمل وبيقدر يوصل وبيقدر يحقق الشيء الممتاز.

إياك ثم إياك ثم إياك تزرع فكرة الخوف والتوتر ببالك، لأنو لما يوقع الفاس بالراس أنت المتضرر الأول، أهلك تمام بزعلوا يوم، يومين، بعدين خلص بنسوا القصة، أما أنت رح تضل معك لولد ولدك، لهيك شدو حيلكم ما في شيء مستاهل تضيع فرحتك وفرحة أهلك والناس الي بتحبك مشانه.

شد حيلك مشان لما يسألوك كيف كنت بالتوجيهي تحكي قصتك بفخر مش تحاول تغير الحكي، شد حيلك مشان لما يسألوا أبوك عنك يجاوب بافتخار والله نجح وجاب معدل مش بكسرة خاطر، شد حيلك مشان أمك ما تقعد تحط حجج للجيران إنك كنت مريض بمادة وما رحت، شد حيلك ما في شيء مستاهل تنزل دمعة حزن من أمك.

حط أبوك وأمك بكفة، ونجاحك بكفة، كل ما تثقل علاماتك كل ما ترتفع كفة أمك وأبوك وتزيد فرحتهم، وكل ما تقل علاماتك كل ما تنزل كفة أمك وأبوك ويزيد حزنهم.

أنت قادر، أنت بتعمل الاشي الصح والاشي الي غيرك بطمح بعملو، ما تفكر إنك إنسان مش قادر أو غير عن الباقي، لا كلنا بنقدر بس بدنا الحافز يلي يدفعنا، وبلش وكمل وين واصل بإذن الله بكرا رح تروح تحكي لأمك مزبط وبجيب علامة ممتازة.

وكمان شغلات جهزها اليوم بالليل:

1- هويتك وصورة عنها احتياطاً بلاش تنساها.

2- بطاقة الجلوس وصورة عنها احتياطاً.

3- 4 أقلام حبر بلاش حد يكون محتاج وناسي لأنو شعور سيء لما حد ينسى شي.

4- قنينة ماء.

5- دعوات أمك وأبوك إلك.

وأهم حاجة أهم حاجة من كل الحكي ما تنسى صلاتك ولا تنسى تدعي لزملائك بصلاتك حتى تعود الدعوة لك.

بالامتحان بتعاملوا معاك بشكل كثير ممتاز، بحاولوا يوفرولك كل سبل الراحة لحتى تحل وأنت براحتك.

لو في مراقب رايح جاي احكيلو إنك بتتوتر/ي لو صار معك شيء استشير المراقب أو المراقبة رح يساعدوكم، المهم ما تغلطوا وتدخلوا معكم تلفونات أو غيره لحتى ما تندموا.

الله يوفقكم وييسر أمركم هانت وما ضل غير كم ساعة للامتحان الأول، توكلوا على الله، وكونوا على يقين تام إنكم رح تبدعوا.

#عبدالله_دعامسة