ما هو امتحان المستوى - امتحان القدرات ؟

 

#إمتحانات_القدرات 📄

هذا المنشور مهم جدا و بخص امتحانات المستوى للطلبة الجداد 🆕

أولا: #النجاح في هذه الامتحانات 🎓

النجاح في الامتحانين راح يكفلك أنو يخفف عنك عناء دراستهم بعدين و راح يحتسبولك اياهم في خطتك الدراسية بدون دراستهم كمان مرة في الفصول العادية

علامة النجاح للحاسوب من 60% واللغة الانجليزية من 50%

بتروح عني رسوم هاي المواد اذا #نجحت فيهم ؟

امتحان مستوى الحاسوب لما تنجح في بتدفع سعر ساعتين دراسية على سعر ساعة تخصصك 💵 .

بس في اللغة الانجليزية اذا نجحت في امتحاناتها يحتسب لك 3 ساعات دراسية 😄

اذا شاطر بهاي المواد #بلزمش أدرسهم ؟

المادتين باختصار هما حصيلة دراسة 12 سنة بالمدارس بس هاد ما بعني انك ما تدرسهم بالمرة بلعكس تماماً لازم تشوف نماذج الأسئلة وتراجعهم منيح عشان تقدر تنجح فيهم وترتاح من هاي المواد 🤷🏼‍♂️

كيفية #أدرسهم ؟

الانجليزي بدك تدرس القواعد الرئيسية المعروفة وشوية اكلمات ومعاني ولجذر الكلمات شوي ( اساس انجليزي يعني ) وعلى ايش بتعود هاي الضمائر وغيرها والكثير من الامور الاخرى المعروفة التي أخذتموها على طول السنين الماضية ، فهي تحتاج مراجعة محيطية وشاملة بس بدون ارهاق وضغط زي التوجيهي بس بشكل معتدل وبسيط ⚖️

بس في امتحان الحاسوب لازم تستعدلو منيح لانه كثير ما بنعرف عن تفاصيلو ( ومادتو لما تنزلها زنخة انجح في واخلص منو 🤦🏼‍♂️) ، دراستو راح تكون كالتالي :

1.- في دوسية موجودة بالتعلقات بتشوف النقاط الرئيسية فيها والعناوين وبتفهمهم منيح 😎

2. بتشوف اسئلة السنوات السابقة- للامتحانين - عشان يكون عندك فكرة عن الامتحانات 📄

هاد هو إمتحان المستوى 😁

موعد الإمتحان وهاي التفاصيل راح تنزل على الزاجل أو على أي موقع جامعة أخرى بالفترة الجاي ( بعد التسجيل طبعا ) لذلك ضلو متبعين منيح💻

ادرسوا منيح عشان هاي الامتحانات .. بتريحوا حالكم من دراستها طول فصل كامل بالجامعة 😄

وبنتمنالكم النجاح والتوفيق ❤️